聽吓其他人點講「傾傾」
我覺得每次搵「傾傾」做完網上輔導，對我都好大幫助，平台設計不但保護到我私穩，服務亦好個人化。預約程序簡單，對要返工嘅我方便有彈性，我亦唔需要請假見輔導，更唔想比上司知道我有咩問題！
溝通流程好暢順, 我同輔導師傾咗好多放咗喺心好耐, 又難於同身邊人講嘅問題, 輔導師不但冇批判我, 仲比咗好正面嘅支持。我覺得用暱名傾好自在, 我會繼續預約做輔導。
我老公兩年前確診患上抑鬱症，需要長期服藥。我作為佢妻子，經常都非常擔憂，又要照顧屋企兩個小朋友，壓力非常大。正當我感到好困擾同無助嘅時候，「傾傾」輔導師嘅出現令我將整個人生觀改變。佢好專業、願意細心聆聽我內心嘅掙扎，幫我提供心理輔導同埋糾正一啲負面嘅情緒。我會介紹身邊有情緖困擾嘅人使用呢個服務！
最近周邊發生咁多事，我真係覺得好無助同埋好憤怒 😡。我唔敢同身邊啲人傾訴，或上社交媒體寫心聲。後來同 「傾傾」嘅輔導師傾完，學習用樂觀心態去面對生活壓力，凡有負面事情發生時懂得點樣控制自己嘅情緒，我依家同父母嘅溝通同關係亦都大有改進！
上一篇
下一篇
